مەن بۈگۈن بىلىك كۇلۇبىنى ئارىلاۋېتىپ بىرەيلەننىڭ https://www.google.com/webhp?hl=ug تورىدىكى ئۇيغۇرچىنى ئۆزىمىز خالىغان فونتقا تەڭشەش ئۇسۇلى تونۇشتۇرۇلغان گوگۇل تور كۆرگۈسىدىكى ئۇيغۇرچە ناملىق يازمىسىنى كۆرۈپ قالدىم. بۇ ئۇسۇل ھەقىقەتەن قۇلايلىق بولمىسىمۇ بىراق Chrome جاھاننامىسىدە ئاچقان بارلىق بېكەتلەرنىڭ خەت نۇسخىسى ئۆزگىرىپ كېتىدۇ. ئۇبۇنتۇدا Chrome ئىشلىتىۋاتقانلار تېرمىنالغا تۆۋەندىكى بۇيرۇقنى كىرگۈزۈپ ئېچىلغان Custom.css ھۆججىتىگە يۇقىرىدا تىلغا ئالغان يازمىدىكى css كودىنى كۆچۈرۈپ سىناپ باقساڭلار بولىدۇ.

ئەمدى ئويلاپ باقساق، Chrome جاھاننامىسىدە خالىغان بېكەتكە خالىغان خەت نۇسخىسى بەلگىلىگىلى بولامدۇ؟ مەسىلەن Google نىڭ ئۇيغۇرچە بېتى https://www.google.com/webhp?hl=ug گىلا ئايرىم ئۇيغۇر خەت نۇسخىسى بەلگىلەپ، باشقا بېكەتلەرنىڭ ئەسلىي خەت نۇسخىسىنى ساقلاپ قالغىلى بولامدۇ؟

جاۋاب ئەلۋەتتە بولىدۇ. بۇنى Chrome جاھاننامىسىنىڭ Personalized Web قىستۇرمىسى بىلەن ئەمەلگە ئاشۇرغىلى بولىدۇ. بىز Chrome جاھاننامىسىدە بايىقى قىستۇرما ئىسمىنى چەكسەك، قاچىلاش بېتىگە كىرىمىز، ھەمدە قاچىلاش دېگەننى بېسىپ تىزلا قاچىلىيالايمىز.

قىستۇرمىنى ئوڭۇشلۇق قاچىلىغاندىن كىيىن، PersonalizedWeb قىستۇرمىسىغا تەڭشەش ئېلىپ بېرىشنى باشلايمىز. (تۆۋەندىكى رەسىمدىكىدەك)

مانا ئەمدى بۇ تەڭشەشنىڭ ئەڭ ھالقىلىق يېرىگە كەلدۇق. يەنى ئۆزىمىز خالىغا بېكەتنىڭ خەت نۇسخىسىنى بەلگىلەش باسقۇچى. مەن تۆۋەندە بىر https://www.google.com بېتىنىڭ خەت نۇسخىسىنى UKIJ TUZ TOM غا توغرىلاش ئۇسۇلىنى رەسىملىك كۆرسىتىپ ئۆتەي، بۇ تەڭشەكنى ئوڭۇشلۇق بەلگىلىۋالساق https://www.google.com/webhp?hl=ug بېتىدىن ئۇيغۇرچە ئۇچۇرلارنى ناھايىتى راھەت ئىزدەپ تاپالايمىز. باشقا خالىغان بېكەتنى ئۆزۈڭلار مۇشۇ ئۇسۇل بويىچە بەلگىلىۋالساڭلار بولىدۇ.

يۇقىرىدا كۆرسىتىلگەندەك، بېكەت ئىسمىنى ئادرېسىنى كىرگۈزگەندىن كېيىن، css قىسمىنى بەلگىلەيمىز. يەردىكى css قىسمىغا مەن ئىشلەتكەن كود تۆۋەندىكىدەك. css قا ئۇستىلار تېخىمۇ ئېسىل تەڭشىۋالساڭلار بولىدۇ ئەلۋەتتە.

html,body * {font-family:"UKIJ Tuz Tom" !important;}

مانا ئەمدى قارىساق Google باش بېتى شۇنداقلار ئۇيغۇرچە بېتىنىڭ خەت نۇسخىسى بىز بەلگىلىگەن UKIJ TUZ TOM غا ئۆزگەردى. ئەلۋەتتە ئۆزىمىز خالىغان خەت نۇسخىسىغا ئۆزگەرتىۋالساق بولىدۇ.

قېنى بىر نەرسە ئىزدەپ كۆرۈپ باقايلى

بۇ خىل ئۇسۇلنى قوللانغاندا بىز بەلگىلىگەن بېكەتنىڭ خەت نۇسخىسىلا ئۆزگىرىدۇ، باشقا بېكەتنى ئەسلىي خەت نۇسخىسى ساقلاپ قېلىنىدۇ. بايىقى بەلگىلەش ئاخىرلاشقاندىن كىيىن قاراڭلار بۇ بېكەتتە ئىشلىتىلگىنى يەنىلا ئەلپىدا خەت نۇسخىسى.

بۇ قىستۇرمىنىڭ باشقا ئىقتىدارلىرىنى ئۆزۈڭلار سىناپ بېقىڭلار. ئادەتتە مۇشۇ ئىقتىدارىلا يېتەرلىك دەپ ئويلايمەن. بۇ ئۇسۇلنى سىنىغاندا كومپيۇتېرغا چوقۇم بەلگىلىگەن ئۇيغۇرچە خەت نۇسخىسى قاچىلانغان بۆلىشى كېرەك.